Bassim -شلون اصبر على الاه Part 4 - shlorn asbir

457 عدد المشاهدات
Published
The amazing and sad poem by Jaber al Kathemi about the tragedy of Karbala and Imam al Hussain(A), recited by Mulla Bassim al Karbalaei.* * *

شلون اصبر على الاه واترك نحيبي
بيدي دفنت بالگاع جثة حبيبي
لاتظن يطيب .. جرح الحبيب

*******

تعنى يم علي السجاد ابو حمزة الثمالي اليوم
يگله سيدي الوادم بدت تحچي وعليكتلوم
شكثر تنحب يبو الباقر يگولون النحب مذموم
يريدونك تكف دمعك وتعيش بلا كدر وهموم
عن دمعتك يگلون لمن تسحها
هالدمعة للاموات تلجم جرحها
وخايف تصيب .. جرح الحبيب

**********يجاوب حجة الباري يصب دمع المحاجر دم
يگله يا ابو حمزة الوادم حگها ماتعلم
انا القابض على الجمرة ويظللني سحاب الهم
اطشر بالصبر حزني وردود الحزن يلتم
والوجرت بحشاي نار المصيبة
شحال اليصد ويشوف مصرع حبيبه
يسعر لهيب .. جرح الحبيب

********

يبو حمزة البعض يفگد عزيزه يظل عليه ينوح
ويظل طول الوكت ينحب ولا يملك زمام الروح
وهذا انا الشفت اهلي ضحايا من ايدية تروح
بين الگطعوا چفوفه وبين اللي وگع مذبوح
حگه اليريد يلوم يبدي الملامة
ماحاضر ولاشاف جثة امامه
دامي وعجيب .. جرح الحبيب

*********

يلوموني يبو حمزة ولا عالينفجع معتب
فرد يوسف فگد يعكوب وظل طول العمر ينحب
وانا شچم يوسف گبالي اشوفه على الثرى مترب
رجع يوسف وانا الماعاد حبيبي وبالدمى تخضب
يوسف عدل ماطاح جسمه وتعفر
وگبالي جسمحسين طاح وتوذر
خلف نحيب .. جرح الحبيب

*********

يبو حمزة العتب مذموم على اللي فگد ضي عيناه
يلوموني البعض حگهم ومحد شايف الشفناه
ماشافوا طفل ضامي عوض مات بضمار حشاه
تصيبهبمنحره النبلة ويتروى بنجيع دماه
ولاشاهدوا عريس وموذرينه
وتتحنى من دماه راحة يمينه
بالدم خضيب .. جرح الحبيب

***********

يبو حمزة الزلم تطلع تقاتل تعرض المنحر
لچن شنهو الجعل هالگوم تشن غارتها عالخدر
عگب ذبح الزلم بالطف علينا صالت العسكر
الارامل واليتامى بخوف هجت والخيم تسعر
مرفوعة ليش الروس فوگ العواسل
ليش بيسر للشام تمشي الارامل
واللي يجيب .. جرح الحبيب

*********
التصنيف
متنوع
لا توجد تعليقات حتي الآن